خراج الضرس من أكتر الأسباب اللي بتخلي الناس تصحى من النوم بألم شديد. في المقال ده هتعرف أعراضه، وتعمل إيه في البيت لحد ما توصل للدكتور، وإزاي بيتعالج بشكل نهائي.
أعراض خراج الضرس
- ألم شديد ونابض في الضرس، ممكن يوصل للأذن أو الفك أو الرقبة.
- ورم في اللثة أو الخد.
- دمل أو بثرة على اللثة بيطلع منها صديد بطعم وريحة وحشين.
- ألم عند الضغط أو المضغ.
- حساسية شديدة للسخن والبارد.
- سخونية أو إرهاق أو تورم في الغدد تحت الفك.
أسباب خراج الضرس
- تسوس عميق وصل للعصب — علاج التسوس بدري بيمنع ده.
- كسر أو شرخ في الضرس.
- التهاب لثة متقدم وجيوب تحت اللثة — تنظيف الجير.
- حشو عصب قديم رجعت له العدوى — علاج خراج الضرس المحشو عصب.
علاج خراج الضرس في البيت (لحد ما توصل للدكتور)
- مضمضة بمية دافية وملح كذا مرة في اليوم.
- مسكن عادي من الصيدلية حسب الجرعة المكتوبة أو تعليمات الصيدلي.
- كمادات باردة على الخد من بره 15 دقيقة.
- نام ورأسك مرفوعة شوية.
- ما تفتحش الخراج بإبرة أو دبوس، وما تحطش أسبرين على اللثة، وما تاخدش مضاد حيوي من غير روشتة.
ده تسكين مؤقت. لو الألم هدي فجأة ده مش معناه إن الخراج خلص — ممكن يكون العصب مات أو الخراج صفّى، والعدوى لسه موجودة.
علاج خراج الضرس عند الدكتور
- الكشف والأشعة لتحديد مصدر الخراج.
- تصريف الصديد وتخفيف الضغط والألم.
- حشو العصب لإنقاذ الضرس — علاج العصب في العيادة 2,500 جنيه.
- مضاد حيوي لو العدوى منتشرة أو فيه سخونية — إمتى تحتاج مضاد حيوي.
- الخلع لو الضرس مكسور أو مينفعش يتعالج، وبعدها تعويضه بـ الزراعة.
خراج اللثة
خراج اللثة بيبدأ في جيب بين السنة واللثة بسبب جير أو بقايا أكل محبوسة، وبيظهر كورم في اللثة نفسها. علاجه تصريف الصديد وتنظيف الجيب عند الدكتور، وغالبًا مش محتاج حشو عصب لو العصب سليم.
أسئلة شائعة عن خراج الضرس
هل خراج الضرس بيروح لوحده؟
لأ. ممكن الألم يهدى لو الخراج فتح وصفّى، لكن العدوى بتفضل جوه الضرس أو العظم وبترجع تاني، ولازم علاج السبب عند الدكتور.
ينفع أعالج خراج الضرس في البيت؟
البيت بيخفف الألم بس لحد ما تروح للدكتور: مضمضة بمية دافية وملح، ومسكن عادي، وكمادات باردة من بره. ما تفتحش الخراج بنفسك وما تاخدش مضاد حيوي من غير روشتة.
المضاد الحيوي بيعالج الخراج؟
المضاد الحيوي بيهدّي العدوى لو فيه ورم منتشر أو سخونية، لكنه مش بيشيل السبب. العلاج الحقيقي هو تصريف الخراج وعلاج العصب أو خلع الضرس.
الفرق بين خراج الضرس وخراج اللثة؟
خراج الضرس بيبدأ من عصب ميت عند طرف الجذر، وغالبًا علاجه حشو عصب. خراج اللثة بيبدأ من جيب في اللثة بسبب جير أو بقايا أكل، وعلاجه تنظيف عميق وتصريف.
هل خراج الضرس خطير؟
لو اتساب ممكن العدوى تنتشر للفك أو الوش أو الرقبة. عشان كده أي ورم بيكبر، أو صعوبة في البلع أو التنفس، أو سخونية عالية محتاج طوارئ فورًا.